Who Killed the Electric Car?

Chonaic mé an scannán seo "Who Killed the Electric Car?" oíche Chéadaoin. Tháinig an gluaisteán seo chun saoil i gCalifornia ó General Motors i lár na 90s, chuireadar roinnte mhaith dóibh ar an margadh mar chúis shamplach ar léas lena custaiméirí. Bhí ar GM stáisiún na haibhléise a thógáil chomh maith timpeall an stáit tacaíocht a thabhairt don triail agus ní fada go raibh an dream, gur leo na carranna, an tógtha leis an gluaisteán beag seo an EV1. Tháinig Electric Vehicle eile ar an margadh ó Toyota (Rav EV) ansin agus ceann ó Honda chomh maith agus cuireadh tús ar ré The Electric Car, ach ré ghearr a bhí inti.
Seo scannán a thosaíonn le sochraid na ngluaisteán beaga seo, agus leanann an scéal ansin ag iarraidh teacht ar an bhfírinne, cé a mharaigh an carr seo? cén fáth? in ainneoin an suim mór a bhí ann ag an am san i bhforbairtí mar seo ón bpoiblí? cuireadh brú ar na gcomhlachtaí móra stop a chur ar an saothar agus na gluaisteáin uile a thabhairt ar ais óna custaiméirí agus iad go léir a mhilleadh, agus na stáisiúin aibhléise uilig a dhúnadh.
Cé a chur brú ar na gcomhlachtaí? Níl sé soiléir ach tagann na ceisteanna aníos, níl cruthú dearfa le fáil, eolas rúnda, leithscéalta ó na comhlachtaí móra ar ndóigh, fadhbanna le batteries srl, (a bhí réitithe tapaigh go leor) ach ceaptar go raibh lámh le comhlachtaí na h-ola agus an rialtas sa drochscéal.
Tá sé greannmhar agus brónach anois ag féachaint siar, bá le GM an chéad gluaisteán na haibhléise seo an EV1 agus anois, ocht mbliana dár gcionn, bíonn an comhlacht seo i dtrioblóid…………. Tháinig an Prius ar an margadh ó Toyota agus fáilte mór roimhe, cé nach bhfuil sé chomh éifeachtach agus an ceann beag a bhí ag GM blianta ó shin i gCalifornia. Saghas féinmharú a bhí ann ag GM. Brónach a fheiscint arís nach bhfuil mórán cumhachta ag an caiteoir i gcúrsaí na ngnóthaí móra. Is cuma linne!!! Ní bhíonn an margadh ag tiomáint na bhforbairtí ar chor ar bith in ainneoin an bholscaireacht ……bíonn sinn faoi chaimpirín acu i gcónaí.

Bhí an scannán an-suimiúil, cé gur thit mé i mo chodladh i lár an scéil ar feadh fiche nóiméad (ní raibh an scéal leadránach ach bhí an-tuirse orm oíche Chéadaoin agus le cúpla gloine fíona dearg caite siar agam, agus guth deas an scéalaí………..agus an tine lasta ós mo chomhair……..)
Is féidir teacht ar an scannán le NetFlicks nó fiú in Amazon

Scorsese aréir........

Leanann an saol ar aghaidh. Ní stopann sé.

Go raibh míle maith agaibh go léir a chaith isteach bhúr vótaí ar son an blog seo san Irish Blog Awards. Tá hilaryny anois ar an gearrliosta! agus cá bhfios?
Mairtin Scorsese aréir…. b’fhéidir hilaryny an deireadh seachtaine seo chugainn!!

Br Cathal Ó Cuinn

Tá an-bhrón orm a rá gur imigh sean cara agam, an bráthair Cathal Ó Cuinn ar shlí na fírinne inniu, an 19ú lá déag de mhí Feabhra. Trócaire Dé ar a anam uasal.

Ba chara mór don teanga é agus níor stop sé riamh ag iarraidh í a chur chun cinn anseo i Nua Eabhrac. Chomh luath agus a bhfaca sé go raibh duine dáiríre maidir léi dhein sé a dhícheall tacaíocht a thabhairt agus bhíodh sé i gcónaí flaithiúil lena chuid eolais agus a chuid ama.

Thug sé cabhair nach beag domsa ón lá a bhuaileas leis, timpeall deich mbliana ó shin nuair a tháinig sé go dtuaisceart Westchester chuig ciorcal comhrá ina rabhas páirteach ag an am san. Thug sé cuireadh dom teacht ar chuairt go coláiste Í (Iona College) agus ní fada go raibh ciorcal comhrá bunaithe ansin gach Mháirt, i measc a bhailiúcháin leabhar, bailiúchán a shaol, i Leabharlann Ui Riain; eisean, Barra Ó Donnabháin nach maireann, Muiris Ó Bric, Eibhlin Zurell agus mise. Ón am san déarfainn nár imigh coicís gan teagmháil de shaghas éigin a bheith eadrainn, teacht le cheile, nóta sa phost le cóip Foinse, mar shampla, glaoch ar an ngutháin…………ach amháin i dteas an tsamhraidh nuair a chaitheadh sé tréimhse thuas i Westpark, Esopus NY.
Thug sé cabhair dom cead a fháil ón gcoláiste ranganna An Scoil Chois Claí a bhunú in Iona agus do bhí áthas mór air gur éirigh leo. Bhíodh sé ar nós aige teacht ar chuairt orainn anois is arís sa seomra ranga agus a bheith páirteach sa chomhrá, ceist nó dhó a chaith amach nó a fhreagairt. Coicís ó shin san ard rang bhíomar ag plé na cláir teilifíse is fearr linn nuair a bhuail sé isteach orainn agus ghlac sé páirt sa chomhrá. Chuir sé glaoch orm an tseachtain seo chaite agus dúirt sé gur bhain sé an-taitneamh as an tréimhse le na mic léinn, agus go raibh sé go deas a chloisint an méad sin comhrá sa seomra ranga. Luaigh mé leis go rabhamar ag plé máinliacht phlaisteach oíche amháin eile, (teannadh aghaidhe agus a leithéid,) agus dúirt sé, ag gáire agus é ag fágáil slán liom, go mbeadh sé ar ais oíche eile gan dabht, ach is mór an trua nach mbeidh.
Táim an bhuíoch de as a chabhair agus a chairdeas trí na bliana beaga anuas.
Slán abhaile a chara.

Tórramh / Faire: Dé Mháirt 2 – 4 pm agus 7 -9 pm. St. Joseph’s Infirmary, 30 Mongomery Circle, New Rochelle.
Dé Chéadaoin 2 - 9pm Spellman Hall, Iona College, New Rochelle.
Aifreann na Mairbh, 9.30 Déardaoin,
Holy Family Church Mayflower ave. New Rochelle agus ansin go Westpark, NY.

Translations le Brian Friel

Tá an dráma Translations le Brian Friel, faoi stiúir Gary Hynes, ar siúl i Manhattan faoi láthair. Moladh go mór dom é ó daoine éagsúla agus plean agam dul oíche éigin, chomh luath agus is féidir. Bheadh sé go breá dul an deireadh seachtaine seo mar tar éis an dráma oíche Shathairn beidh dream ag teacht le cheile san amharclann cúrsaí a phlé, an teanga is dócha ag an am san (1833) agus araile. I measc na bhaicle saoithe seo beidh Pádraig Ó Cearuill, múinteoir na Gaeilge anseo i NY, agus Séamas de Bláca, craoltóir an chláir Míle Fáilte ar an raidió. 90.7 Fm nó aon uair ar WFUV.org .

Agus cén fáth nach mbeidh mé in ann dul oíche Shathairn? (Tá ticéid fós le fáil)….Beidh mé thuas in Esopus, NY ag deireadh seachtaine na Gaeilge ag teagasc! Beidh timpeall céad daoine ann ag baint taitneamh as an nGaeilge agus as an gcomhluadar agus ag iarraidh cúpla rud nua a fhoghlaim chomh maith.

Blog Awards 2007

Tá na blog awards 2007 buailte linn agus tá sé in am bhúr vótaí a chaitheamh gan mhoill! Téigh go dtí an suíomh seo agus díreach go dtí “The best use of Irish language in a blog” ( thíos an liosta píosa beag) ansin a chairde caith bhúr vótaí.

Is cosúil go bhfuil sé seo oscailte ar feadh seachtaine nó níos mó………….Chuir duine éigin mo bhlog féin ar an liosta i ngan fhios dom (grma a chara)

Lá na Gaeilge 2007

Tá sé beagnach buailte linn arís, ár lá mór!

Beidh Lá na Gaeilge 2007 ar siúil ar an 24ú Lá de Mhí an Mhárta in gColáiste I, (Iona College) New Rochelle, Nua Eabhrac. Beidh lá breá againn gan dabht, múinteoirí den scoth, (cúig leibhéal de rang, go dtí seo!) léachtóirí iontacha, agus ar ndóigh an scata is tábhachtaí ná an dream a thagann blian tar éis bliana an teanga a cheiliúr le chéile sa suíomh cairdiúil cuideachtúil seo. Tá an foireann ag obair go dian cheana féin ar an gclár agus tuilleadh eolais le fáil go luath ar an mblog seo, nó is féidir é phoist a chur chugam díreach ón nasc ar dheis.
Beidh fáilte roimh cách!
Anocht oíche na Gaeilge i nDunnes Pub, White Plains, le ceol beo ó Brian Conway agus a chairde.

Ar Aghaidh an Chatha

Ba mhaith liom cúpla focal a rá faoi cara agam Aralt MacGiolla Chainnigh. Is as Canada é, lonnaithe i gKinston, agus maireann sé i gcroí na teanga thuas sa tír sin. Eagraíonn sé deireadh seachtainí na Gaeilge gach bhliain agus i mbliana beidh Comhdháil NAACLT faoina chúram chomh maith. Tá plean idir lámha aige le tamall fada anuas Ionad na Gaeilge a shocrú, le leaba agus loistín in áireamh, go mbeifeá in ann dul agus saoire a ghlacadh i suíomh cuideachtúil an teanga a fhoghlaim, Gaeltacht bheag mar a déarfá!

Bhuaileas leis roinnt blianta ó shin agus ba léir ón gcéad dul sios go duine díograiseach é ar son na Gaeilge agus is dócha ar son aon rud a bhíonn tábhachtach in a shaol. Is deacair an jab é dúthracht chun oibre a thomhas?…..Braitheann sé ar phearsantacht is dócha, agus as sin níl aon freagra ceart….. ach amháin go ndéanann an duine aonair a dhícheall ar son a chúraimí féin, cibé cúram atá i gceist agus dar liom, luach gach cath a thuiscint, más féidir, sula cáitear croí agus anam isteach ann. Sin an fealsúnach atá agamsa. (go mór mhór ag déileáil le déagóirí….ach i ndairíre...b'fhéidir mórán cinntí.)

Le déanaí bíonn Aralt i dtroid lena fostóir, Arm Ceanada. Tá na sonraí anseo. Beidh cás cúirte sa chúirt cónascach i mbliana aige. (Ní raibh a fhios agamsa go dtí gur léigh mé an píosa seo go raibh banríon Eilís a dó fós ina Banríon Ceanada.....) Tá súil go mór agam go n-éiríonn gach rud go geal le Aralt agus é ar an turas contúirteach aighneasach seo.
Bíonn teacht aniar nach beag ag an ndíograiseoir seo!

Doras na Filíochta

Tháinig an Irish Times inné agus léigh mé colún na marbh faoi Seán Mac Réamoinn.

Bhí an t-ádh dearg liom go bhfuaireas bronntanas tá seacht mbliana nó níos mo ó shin dá chlár raidió The Pleasures of Gaelic Poetry. Téipeanna atá iontu don clár iomlán, sraith léachtaí atá i gceist le léachtóirí eagsula. Tá siad ana mhaith agus d’oscail siad doras na filíochta os mo chomhair arís. Ba é Seán Mac Réamoinn príomh eagarthóir ar an gclár raidió seo timpeall 1985. Tá orm éisteacht orthu arís.
Ar dheis Dé go raibh sé.

Gradam Mór na Scannán

Fuair Little Miss Sunshine gradam mór aréir. Luaigh mé an scannán cúpla uair anuraidh agus arís le déanaí agus mé a rá gurb é an ceann is fearr a chonaic i 2006. Is dócha go raibh na moltóirí uile ag léamh an bhlog seo, nach iontach an rud é go bhfuil an méad sin Ghaeilge amach anseo sna SAM!!!

Cupla rud

Chuala mé ó Chríostóir Mac Liam go mbeidh an t-údar Colm McCann, luaite anseo cúpla uair anois, ag tabhairt cuairt ar an leabharlann poiblí ar ascaill a cúig agus sráid daichead ‘s a dó ar an 30ú lá de Mhí Eanáir. Beidh mise ag múineadh Gaeilge an oíche úd!

Lean mé le mo chuid léitheoireachta agus críochnaigh mé Mendel’s Dwarf le déanaí.
An suimiúil, glac mé gan mórán staidéir ón leabharlann é agus tharla go raibh sé i slite bunaithe ar an téama céanna agus a bhí Zoli (McCann). Tá níos mo leibhéal ann áfach. Scéal stairiúil faoi Gregor Mendel agus Genetics agus an fhorbairt i eugenics, mar ábhar taighde ag roinnt eolaithe ag tús na céide seo chaite. Tá scéal an príomh carachtair, abhac agus taighdeoir ab ainm Dr Benedict Lambert, ó ár linne, fite fuaite i scéal Gregor Mendel agus a fhoirbairtí. Is trua an saol atá aige ó thaobh ciníochas, fíor agus samhlaithe aige, grá, uaigneas an duine aonar agus droch mothuchán; féinfuath. Is ficsean agus fíorscéal le cheile é.

Beidh deireadh seachtaine chiúin agam tar éis seachtaine ró ghnóthach. An teach dom féin agus an chlann i Utah ag súil le teacht ar sneachta!

As Láthair.

Beidh mé as láthair tamaillín gearr de dheasca brú oibre, b’fhéidir seachtain nó dhó eile. Ar ais chomh luath agus is féidir.

Leonard Lopate agus Colum McCann

Chuala mé Colum McCann ag caint le Lennie Lopate (táim i ngrá lena ghuth) inniu ar WNYC ( Staísiún poibli agus an stáisiún is fearr i NYC! 93.9fm) Bhíodar ag plé leabhair nuafhoilsithe anseo ó pheann McCann, Zoli. Luaigh mé anseo é an tseachtain seo chaite. Tá an leabhair díreach tar éis teacht isteach sna siopaí. Fuair mé mo cheannsa in Eirinn ag deireadh Deireadh Fómhair.

Bhí an comhrá suimiúil, thug Colum McCann cúlra an scéil dúinn. Is féidir éisteacht ar an agallamh anseo.

Nollaig na mBan

Tosaíonn an fíor bhliain úr tar éis Nollaig na mBan, dar liom. Go dtí sin bíonn séasúr na Nollag i mbarr réime, ionamsa ar aon nós, agus cé go mbím toilteanach a bheith páirteach i bhfeilte na hathbhliana ní shocraímse ar phleananna i gceart go dtí an lá seo, an 7ú lá de mhí Eanáir.

Ghlac mé ár maisiúcháin na Nollag anuas inné. Mhúch mé mothúcháin na féile agus inniu chas mé chuig na cinntí uile nua don bhliain úr.

1) Níos mó léitheoireachta. Tá sé soiléir dom ón méad a léim go bhfuil orm níos mó a léamh…..bíonn níos mó le foghlaim i gcónaí! Osclaíonn gach leabhar maith suim agam in ábhair eile. Níl deireadh leis. Coimeádfaidh mé cur síos ar mo chuid léitheoireachta i nasc anseo ar dheis. (Chomh luath agus atá an t-am agam é a chur le cheile…) … Chríochnaigh mé The Razor’s Edge le Somerset Maugham inniu, leabhar iontach.

2) Níos mó aclaíochta. OK. Bíonn an ceann seo ag gach uile duine ach is fíor a rá go ndéanann sé maitheas don chorp agus gan amhras as sin tagann maitheas chuig an t-anam.

3) Ceannóidh mé níos mó bláthanna úra sa gheimhreadh. Bhíodh an nós seo agam i gcónaí ach ó bhog siopa na mbláthanna ó mo bhaile féin go dtí foirgneamh eile cúig míle uaim bím ró leisciúil dul ann ró mhinic. (Bíonn bláthanna úr laistigh agam gan trioblóid sa samhradh ó mó ghairdín féin)

4) Déanfaidh mé iarracht smacht a choimeád ar an méad ama a chaithim ag scuab tonnta ar an ngréasán!

Sin an méid.

Cá bhfuil na Gaeilgeoirí?

Chuir Tom Abernathy an nasc seo chugam inniu ón Guardian. Suimiúil. Bíonn na Gaeilgeoirí ann…. ach faraoir is minic a bhíonn siad i bhfolach!
Tagann siad amach sna oícheanta mar na caocháin!

Bata agus Bóthar

Nuair a léigh mé Dé Chéadaoin go bhfuair Robert L. Nardelli bata agus bóthair ó Home Depot ní raibh mórán ionaidh orm, nochtaigh sé chomh aineolach agus atá sé nuair nach raibh sé toilteanach ceisteanna na scairshealbhóirí a fhreagairt anuraidh..........Ach cad faoin mbronntanais deas sin ina chúl phóca? $210 milliún. (An leor sin don fear bocht?……) Cén saghas stiúrthóirí atá ann? Tá dream nua ó na scairshealbhóirí sílim.

Rinne mé an cinneadh ansin díreach an siopa seo a sheachaint ach aréir bhíos ag siopadóireacht ar son gléas níocháin nua (don gréithe, thosnaigh an seana cheann ag sceitheadh) agus tharla nach raibh an ceann atá uaim le fáil i Sears….ach bhí sé le fáil in Home Depot, dúradh linn. Ceann áirithe atá i gceist má théann sé faoin doirteal, ní bhíonn na cinn seo le fáil gach áit.
Hmm….Bhíos díreach tar éis cinneadh a dhéanamh an siopa seo a sheachaint……. Bhí orainn taighde a dhéanamh teacht ar an ngléas i siopa eile agus d’éirigh linn sa deireadh i Lowes.

Níor lean an Líonra Sóisialta ró fhada?

Leabhair eile.

Rinne mé dearmad ar Catcher in the Rye. Leabhar iontach eile. Bá choir do chách é seo a léamh, staidéar ar aigne an déagóra agus é faoi bhrú na cailliúna cé nach dtuigeann sé (nó aoinne eile) é seo. Braitheann an léitheoir pian an déagóra agus ba mhaith leat cabhair de shaghas éigin a thabhairt…… Leabhar gearr agus an-láidir a fhanann leat tamall fada tar éis é a bheith léite agat.

Léigh mé The Year of Magical Thinking chomh maith anuraidh agus cheapas go raibh sé go dona. Is leabhar mór le rá ó pheann Joan Didion é faoi cailliunt chomh maith agus anois beidh dráma i NYC bunaithe air le Vanessa Redgrave sa phríomh ról. Nuair is duine mór le rá thú is féidir aon rud a cur amach agus bíonn an fan club sásta leis! Cheapas go raibh an leabhar seo lag.

Tá orm liosta leabhar a choimeád i 2007.

Deireadh 2006. Tús 2007

Tá deireadh 2006 buailte linn!

Bíonn saghas blais ar gach bhliain dar liom, bunaithe ar na heachtraí uile pearsanta a tharlaíonn i dteannta cúrsaí an domhain mór a cuireann anáil fúinn.
Bhí 2006 go maith tar éis an tsaoil, cé gur cheapas nach raibh sí ró mhaith anois is arís, cad é cogai agus araile, ach bhí.

Chaill mé buan cara amháin. D’imigh sí ar shlí na fírinne i lár an tsamhraidh nach mór seacht seachtaine tar éis a fháil amach go raibh ailse uirthi. Nílimse ró mhaith le cailliúint ach ní féidir éalú ó scéalta mar seo, bíonn siad againn uile. Ní raibh cothrom na féinne ann, ach cathain a bhíonn?….…. Smaoiním le h-áthas go raibh aithne agam uirthi le breis agus fiche bliain….Cloisim go soiléir fós a guth deas bog.

Tá mo chlann féin go breá, ní raibh idir tinneas nó trioblóid troma orainn le linn 2006, buíochas le Dia. (Fiú tá mo lámh ag dul i bhfeabhas cé nach bhfuil sí ceart fós. Bím cúramach go leor léi.)

Iar Fhocal: Ba iad na CD’s ab fhearr a fuair mé i mbliana ná Bob Dylan, Modern Times (ana mhaith) agus Bonnie Raitt, Fundamental (sean CD ó 1998 ach fuaireas i mbliana é, tá gach amhrán go h-iontach ar fad).
Leabhair: Níl siad in aon ord ach bhaineas taitneamh as Reservation Road, The History of Love, agus Chasing Daylight, cinnte go raibh ceann nó dhó eile san áireamh ach ní féidir teacht orthu anois, (tá orm liosta a choimeád i 2007.) Táim i lár Zoli anois, (go maith) agus beidh Razor’s Edge idir lámha agam an tseachtain seo chugainn, gealladh go bhfuil sé go breá.
Scannáin: Cheapas go raibh Little Miss Sunshine go breá.

Athbhliain faoi shéan is faoi mhaise daoibh.